CITA

Centro de Interpretación das Torres Arcebispais

14/05/2019
por CITA Pontevedra
Comentarios desactivados en Día Internacional dos Museos 2019

Día Internacional dos Museos 2019

“Os museos como eixos culturais: o futuro da tradición” é o tema para este 2019 do Día Internacional dos Museos que, como cada ano, ven celebrándose arredor do mundo o 18 de maio

Este ano, para festexar a data, o CITA ofrece varias xornadas de portas abertas
  • 17, 18 e 19: as portas do Centro de Interpretación estarán abertas, entrada de balde para todos e todas as visitantes
                       – Dia 17 e 18: de 10h a 14h e de 17h a 21h
                       – Dia 19: de 10h a 14h.
Ademais, o dia 18 de maio disfrutaremos do concerto de SPJ (Seminario Permanente de Jazz)  a partir das 20h.  (entrada libre até completar aforo)
Non perdades a oportunidade de vir visitarnos para festexarmos xuntos o Dia Internacional dos Museos!

01/03/2019
por CITA Pontevedra
Comentarios desactivados en VII XORNADAS SOBRE O ENTROIDO DE GALIZA

VII XORNADAS SOBRE O ENTROIDO DE GALIZA

Os próximos 15 e 16 de marzo o CITA acollerá nas suas instalacións as VII Xornadas sobre o Entroido de Galiza organizadas pola Sociedade Antropolóxica Galega coa colaboración da Concellería de Festas do Concello de Pontevedra.

Ademais as xornadas completaranse cunha exposición fotográfica sobre o entroido que poderá ser visitada ao longo dos dias 15 e 16

21/12/2018
por CITA Pontevedra
Comentarios desactivados en Boas festas

Boas festas

Desde o Centro de Interpretación queremos desexar a todos e a todas unhas boas e felices festas.

Durante este tempo de nadal o centro abrirá as suas portas no horario habitual e permanecerá pechado os dias: 25 de decembro, 1 e 6 de xaneiro.

 

Boas festas!

16/11/2018
por CITA Pontevedra
Comentarios desactivados en EnfocA

EnfocA

O CITA ten o gran prazer de ser un dos lugares escollidos para o evento enfocA (Encontro de Fotografía) que terá lugar en Pontevedra do 23 de novembro até o 9 de decembro.

Un evento adicado á imaxe que transcorre en Pontevedra e que aposta pola utilización de formatos, soportes e espazos non convencionais para facer circular as imaxes. Trátase dunha iniciativa na que se buscan contar historias a través das imaxes e das actividades.

 

Repartidas en diferentes escenarios da cidade de Pontevedra, no centro de intrepretación contaremos coas seguintes actividades:

 

  • ENFOCADAS – 4 FOTOXORNALISTAS // 4 OLLADAS DA ACTUALIDADE.  Inauguración Venres 23 de novembro, ás 20.00 horas.

Unha exposición de 4 fotógrafas vencelladas aos medios de comunicación e institucións da cidade – Beatriz Císcar Revenga, Mónica Patxot, Cristina Saiz e Alba Sotelo- que achegan a súa visión da actualidade ao tempo que reivindican o papel da muller no panorama actual dos medios de comunicación e da fotografía.

 

  • CONVERSAS CON Lucía Catoira Pan, premio Mestre Mateo 2018 á Mellor Dirección de Fotografía polo filme Doghs. Modera: Marisa Ciordia, xornalista PontevedraViva
    Xoves, 29 de novembro, ás 20.00 horas.

Nesta actividade, os participantes poderán compartir un café con esta profesional da imaxe. Trátase de conversar, compartir inquedanzas, facer preguntas, … en definitiva fuxir dun discurso poñente/asistente para que tanto o profesional coma o público se poidan sentir nun ambiente distendido ao tempo que aprenden e reflexionan sobre fotografía.

 

A información completa do evento e as diferentes actividades en www.pontevedra.gal

 

30/05/2018
por CITA Pontevedra
Comentarios desactivados en Sete Falares no CITA

Sete Falares no CITA

Un ano máis volven á cidade de Pontevedra os Sete Falares e, como en edicións anteriores, o CITA volverá ser un dos espazos para os contos que encherán a vila.

Os días 7, 8, 9 e 10 de xuño de 2018 celébrase de novo o Encontro Internacional de Contadores de Historias que contará con contadores e narradoras de Camerún, Portugal, Zamora e Galiza.

No espazo do CITA a programación será a seguinte:

  • SEXTA FEIRA 8

18:00 – PAVÍS PAVOS (Galiza)

  • SÁBADO 9

19:00 – SUSANA CECÍLIO (Portugal)

  • DOMINGO10

12:30 – SOFIA MAUL (Portugal)

19:00 – GUTI (Zamora)

 

Todas as actividades son de entrada libre até completar aforo e dirixidas a público adulto

 

O programa completo das actividades pode consultarse na páxina de Sete Falares

 

 

Susana Cecílio (Portugal)

Sofia Maul (Portugal)

 

José Luis Gutiérrez García, “Guti” (Zamora)

Pavís Pavós (Galiza)

15/05/2018
por CITA Pontevedra
Comentarios desactivados en Dia dos Museos 2018

Dia dos Museos 2018

Como cada 18 de Maio celébrase un ano máis o Dia Internacional dos Museos.

Este 2018 o lema escollido é Museos hiperconectados: Enfoques novos, públicos novos

 

 

Agardámos as vosas visitas na nosa habitual xornada de portas abertas de 10:00 a 14:00 h e de 17:00 a 21:00 h.

20/12/2017
por CITA Pontevedra
Comentarios desactivados en Felices festas

Felices festas

Desde o Centro de Interpretación queremos desexar a todos e a todas unhas boas e felices festas.

 

Durante este tempo de nadal o centro abrirá as suas portas no horario habitual e só permanecerá pechado os dias: 25 de decembro, 1 e 6 de xaneiro.

 

Boas festas!

06/06/2017
por CITA Pontevedra
Comentarios desactivados en Microexposición de traxe tradicional

Microexposición de traxe tradicional

Xa podedes disfrutar da Microexposición de traxe tradicional dentro dos actos programados na mostra “Sete varas, un refaixo” que organizan desde a Asociación Etnográfica Sete Espadelas.

Fotografía: Asociación Etnográfica Sete Espadelas

A mostra estará aberta do martes 6 ó vernes 9, día en que terá lugar a mesa redonda sobre a “Situación da indumentaria tradicional na actualidade” ás 19:00h.

 

Fotografía: Asociación Etnográfica Sete Espadelas

A %d blogueros les gusta esto: