CITA

Centro de Interpretación das Torres Arcebispais

01/06/2017
por CITA Pontevedra
Comentarios desactivados en Os Sete Falares volven ao CITA

Os Sete Falares volven ao CITA

Un ano máis volve a edición dos Sete Falares á cidade de Pontevedra.

Os días 8, 9, 10 e 11 de xuño de 2017 celebramos o Encontro Internacional de Contadores de Historias  para encher de narración oral a cidade.

 

 

E como cada ano o Centro de Interpretación das Torres Arcebispais súmase, xunto con outros espazos singulares da cidade de Pontevedra, a ser escenario dalgunhas das actuacións dos contadores e narradoras de Uruguai, Portugal e Galiza desta nova edición.

Esta é a programación que vai ter lugar no CITA.

Podedes consultar o programa completo aquí

SÁBADO 10

19.00 h

CARLOS MARQUES

Entrada de balde até completar a capacidade.
Público adulto.

DOMINGO 11

12.00 h

PATRICIA McGILL

Entrada de balde até completar a capacidade.
Público adulto

19.00 h

CRISTINA TAQUELIM

Entrada de balde até completar a capacidade.
Público adulto.

Anotade no calendario tódalas actuacións dos Sete Falares 2017 para non perder ningunha!

19/05/2017
por CITA Pontevedra
Comentarios desactivados en Celebración do Día Internacional dos Museos con portas abertas e música

Celebración do Día Internacional dos Museos con portas abertas e música

No día de onte, 18 de maio, tivemos a fortuna de contar con moitas persoas que nos acompañaron durante a celebración do Día Internacional dos Museos na xornada de portas abertas do CITA e no concerto de música que nos ofreceu o Dúo Firveda.

A todas esas persoas queremos agradecer que quixesen celebrar con nós este gran día.

 

12/05/2017
por CITA Pontevedra
Comentarios desactivados en Día Internacional dos Museos

Día Internacional dos Museos

Como cada ano o Centro de Interpretación das Torres Arcebispais súmase, o día 18 de maio, á celebración mundial do Día Internacional dos Museoscartel ICOM 2017

O tema seleccionado polo Consello Internacional de Museos (ICOM) para este ano 2017, co obxectivo de sensibilizar ao público sobre a importancia dos museos como medio de intercambio de cultura, de entendemento mutuo e de desenvolvemento das sociedades. é Museos e historias controvertidas: dicir o indicible nos museos.

 

Para unirnos as celebracións que terán lugar arredor de todo o mundo o CITA celebra unha xornada de portas abertas con entrada de balde o xoves 18 de maio de 10 a 14h e de 17 a 22 h.

Ademais tamén contaremos coa actuación do Dúo Firveda as 21 h. con entrada libre ata completar aforo.

Agardamos as vosas visitas para celebrar connosco este día!

cartel-diadosmuseos2017

 

 

02/04/2017
por CITA Pontevedra
Comentarios desactivados en Visitas didácticas ao CITA

Visitas didácticas ao CITA

Desde o 1 de abril o CITA volve a funcionar con normalidade despois do habitual peche para mantemento que se ven realizando cada ano. Neste ano 2017 comezamos a nova andaina do centro con novo horario de visitas:

Martes, mércores, xoves, venres e domingos de 10 a 14 h.
Venres e sábados de 10 a 14 h. e de 17 a 21 h.
Festivos de 10 a 14 h.          

Co obxectivo de achegar o CITA tanto ao público xeral como ao alumnado de diferentes ciclos ofrécemos visitas didácticas que poden ser concertadas chamando ao 986090677, enviando un correo electrónico ao enderezo cita@pontevedra.eu ou na propia recepción do centro.

Agardámoste!

máis información sobre as visitas

 

 

 

 

28/03/2017
por CITA Pontevedra
Comentarios desactivados en Reapertura – 1 de abril

Reapertura – 1 de abril

Despois do habitual periodo de mantemento e restauración, o CITA abre de novo as suas portas e  reanuda a súa actividade diaria a partir do 1 de abril con novo horario.

Agardamos as vosas visitas!

01/10/2016
por CITA Pontevedra
Comentarios desactivados en Visitas didácticas e horario de outono

Visitas didácticas e horario de outono

Co obxectivo de achegar o CITA ao alumnado de diferentes ciclos, ofrécense visitas didácticas para centros educativos. Por iso, a partir do presente mes de outubro, xa se poden concertar chamando ao 986090677 ou enviando un correo electrónico ao enderezo cita@pontevedra.eu. Nel deberás indicar o nome do centro, o da persoa responsable, o número de alumnos/as, o seu curso e o día desexado e responderémoste na maior brevidade posible. Agardámoste!Visitas didácticasHorario de outono

O horario establecido para os meses de outubro e novembro é o seguinte:

* mércores e xoves de 11 a 14 horas
* venres e sábados de 18 a 21 horas
* domingos e festivos de 11 a 14 horas
* luns e martes, pechado

Debido ás dimensións do centro, o foro é limitado, polo que recomendamos que reserven previamente:

* chamando ao número de teléfono 986090677;
* enviando un correo electrónico ao enderezo cita@pontevedra.eu;
* ou achegándote nos días de apertura, de mércores a domingo, e anotarte na recepción.

cropped-cita-logo.jpg

12/05/2016
por CITA Pontevedra
Comentarios desactivados en Música e flashmob na programación polo Día dos Museos

Música e flashmob na programación polo Día dos Museos

Un ano máis, desde o Centro de Interpretación das Torres Arcebispais de Pontevedra unímonos á celebración do Día Internacional dos Museos. Nesta edición de 2016, o tema escollido polo Consello Internacional de Museos (ICOM) é o de Museos e Paisaxes Culturais, un xeito de responsabilidade dos museos con respecto á paisaxe da que fan parte. A misión principal dos museos é velar sobre o patrimonio, dentro ou fóra dos seus muros. A súa vocación natural é de ampliar a súa misión e despregar as súas propias actividades no campo aberto do patrimonio cultural e da paisaxe que os rodea e da cal poden asumir a responsabilidade, en diversos graos. Resaltar o lazo existente entre os museos e o patrimonio cultural, é tamén facer xurdir a idea de museos como centro territorial dunha protección activa da paisaxe cultural.

A programación deste ano comeza o sábado 14 de maio coa celebración da Noite dos Museos e culminará o venres día 20.

Na xornada nocturna que abre o programa de actividades, O CITA abrirá as súas portas de 18:00 a 0:00 horas con entrada de balde e culminará co concerto de Jazz de SPJ Trío ás 22 horas con Dani Font á guitarra, Pablo Patiño no contrabaixo e David Puimena batería.

O mércores 18 de maio, Día Internacional dos Museos, o CITA contará coa colaboración de profesorado e alumnado de Turismo e Hostalaría do CIFP Carlos Oroza para dúas das súas actividades. O día iníciase con xornada de portas abertas gratuíta e en horario ininterrompido de 11:00 a 21:00 horas. Desde unha hora antes, e na Praza da Peregrina, desenvolverase un flashmob, isto é, un baile coreografiado para a ocasión buscando animar á cidadanía a participar e a visitar o centro. No remate da evento, ás 13:00 horas haberá unha torta conmemorativa no centro de interpretación.

O xoves 19 de maio, o alumnado de historia do IES A Xunqueira I parciparán ás 13 horas na actividade Conservación, o futuro do pasado. Unha visita especial dirixida por Fernando Carrera, especialista en conservación e restauración de obras arqueolóxicas e profesor da Escola Superior de Conservación e Restauración de Bens Culturais de Galicia.

Finalmente, a clausura será o venres 20 de maio ás 20 horas coa actuación de varios grupos de cámara do Conservatorio Profesional de Música Manuel Quiroga.

Ademais, durante toda a semana (desde o sábado 14 ata o venres 20 de maio) estará proxectada no CITA a obra “Ecos de recuerdos olvidados”, de Sheila Broullón Dávila. Graduada en Belas Artes, a artista de Marín está cursando o Máster en Libro Ilustrado e Animación Audiovisual da Universidade de Vigo.

 

02/03/2016
por CITA
0 Comentarios

Reapertura

No Centro de Interpretación das Torres Arcebispais de Pontevedra iniciamos unha nova andaina tras dous meses de peche. A reapertura realizouse cun grupo de alumnos/as do IES do Milladoiro (Ames), na compaña de profesorado e representantes municipais..

Tralo habitual peche de comezos de ano, acometéronse traballos de mantemento das instalacións, relacionados principalmente coa iluminación, e de restauración. Neste ámbito, dúas profesionais restauradoras realizaron un tratamento consistente na limpeza manual das pezas e restos arqueolóxicos mediante o emprego de brochas e cepillos suaves, a consolidación puntual de zonas de terra e a aplicación dun biocida mediante pulverización.

O Centro de Interpretación das Torres Arcebispais continúa así outra etapa neste 2016 despois da súa inauguración en 2010. Lembramos que o CITA pódese visitar de mércores a domingo, podendo reservar entrada a través do enderezo de correo cita@pontevedra.eu ou chamando ao número de teléfono 986090677

08/01/2016
por CITA
0 Comentarios

Peche por mantemento

Ata o vindeiro día 1 de marzo, o CITA estará pechado para acometer traballos de mantemento e conservación. Se precisas contactar con nós ou queres ir organizando a túa visita, podes enviar un correo ao enderezo cita@pontevedra.eu e atenderémoste o antes posible.

Moitas grazas

09/10/2015
por CITA Pontevedra
0 Comentarios

Visitas didácticas ao CITA

Co obxectivo de achegar o CITA ao alumnado de diferentes ciclos, ofrécense visitas guiadas para centros educativos. Por iso, a partir do presente mes de outubro, xa se poden concertar chamando ao 986090677 ou enviando un correo electrónico ao enderezo cita@pontevedra.eu. Nel deberás indicar o nome do centro, o da persoa responsable, o número de alumnos/as, o seu curso e o día desexado. Agardámoste!

Visitas didácticas

A %d blogueros les gusta esto: