23/03/2018
por CITA Pontevedra
Comentarios desactivados en
03/02/2018
por CITA Pontevedra
Comentarios desactivados en Só restan uns días!
Só restan uns días!
Despois do mes de peche para mantemento e restauración o Cita reabre as suas portas o martes 6 de Febreiro no horario habitual.
Agardamos as vosas visitas!
04/01/2018
por CITA Pontevedra
Comentarios desactivados en Peche do CITA por mantemento
Peche do CITA por mantemento
Como cada inverno o CITA permanecerá pechado durante algunhas semanas para tarefas de limpeza, mantemento e restauración.
Este ano as datas de peche serán do 6 de Xaneiro ao 7 de Febreiro.
O 6 de Febreiro abriremos de novo as nosas portas.
Mentres tanto poden enviarnos calquera consulta por correo electrónico a cita@pontevedra.eu ou deixarnos unha mensaxe no noso telefono 986 090 677. Atenderémolos o antes posíbel.
20/12/2017
por CITA Pontevedra
Comentarios desactivados en Felices festas
Felices festas
Desde o Centro de Interpretación queremos desexar a todos e a todas unhas boas e felices festas.
Durante este tempo de nadal o centro abrirá as suas portas no horario habitual e só permanecerá pechado os dias: 25 de decembro, 1 e 6 de xaneiro.
Boas festas!
06/06/2017
por CITA Pontevedra
Comentarios desactivados en Microexposición de traxe tradicional
Microexposición de traxe tradicional
Xa podedes disfrutar da Microexposición de traxe tradicional dentro dos actos programados na mostra “Sete varas, un refaixo” que organizan desde a Asociación Etnográfica Sete Espadelas.
Fotografía: Asociación Etnográfica Sete Espadelas
A mostra estará aberta do martes 6 ó vernes 9, día en que terá lugar a mesa redonda sobre a “Situación da indumentaria tradicional na actualidade” ás 19:00h.
Fotografía: Asociación Etnográfica Sete Espadelas
02/06/2017
por CITA Pontevedra
Comentarios desactivados en ‘A indumentaria tradicional na actualidade’
‘A indumentaria tradicional na actualidade’
É o título da mesa redonda que terá lugar no Centro de Interpretación das Torres Arcebispais dentro das actividades complementarias ao primeiro gran desfile de traxe tradicional que se celebra na Galiza, ‘Sete varas, un refaixo’, que terá lugar no Pazo provincial da Deputación de Pontevedra o vindeiro 10 de xuño ás 21:30h.
A partires do vindeiro martes 6 de xuño, o CITA acollerá as dúas actividades previas ao desfile: unha microexposición de traxes que poderá visitarse desde o 6 ao 9, e unha mesa redonda sobre ‘A indumentaria tradicional na actualidade’ que terá lugar o día 9 ás 19h, onde coleccionistas e membros de diferentes asociacións falarán sobre este tema.
No desfile, que terá lugar o sábado 10 ás 21:30h no Pazo provincial da Diputación de Pontevedra poderán verse máis de 700 pezas, de diferentes épocas históricas e comarcas do país.
Esta iniciativa está encabezada pola Área de Cultura da Deputación de Pontevedra, polo Concello de Pontevedra e pola Asociación Etnográfica Sete Espadelas.
www.depo.es
01/06/2017
por CITA Pontevedra
Comentarios desactivados en Os Sete Falares volven ao CITA
Os Sete Falares volven ao CITA
Un ano máis volve a edición dos Sete Falares á cidade de Pontevedra.
Os días 8, 9, 10 e 11 de xuño de 2017 celebramos o Encontro Internacional de Contadores de Historias para encher de narración oral a cidade.
E como cada ano o Centro de Interpretación das Torres Arcebispais súmase, xunto con outros espazos singulares da cidade de Pontevedra, a ser escenario dalgunhas das actuacións dos contadores e narradoras de Uruguai, Portugal e Galiza desta nova edición.
Esta é a programación que vai ter lugar no CITA.
Podedes consultar o programa completo aquí
SÁBADO 10
DOMINGO 11
Anotade no calendario tódalas actuacións dos Sete Falares 2017 para non perder ningunha!
19/05/2017
por CITA Pontevedra
Comentarios desactivados en Celebración do Día Internacional dos Museos con portas abertas e música
Celebración do Día Internacional dos Museos con portas abertas e música
No día de onte, 18 de maio, tivemos a fortuna de contar con moitas persoas que nos acompañaron durante a celebración do Día Internacional dos Museos na xornada de portas abertas do CITA e no concerto de música que nos ofreceu o Dúo Firveda.
A todas esas persoas queremos agradecer que quixesen celebrar con nós este gran día.
Onte desfrutamos da boa música co @duo_firveda no @CITAPontevedra festexando o #diadelosmuseos . Moitas grazas por acompañarnos! pic.twitter.com/tVHrWis9fo
— CITA Pontevedra (@CITAPontevedra) 19 maio 2017
12/05/2017
por CITA Pontevedra
Comentarios desactivados en Día Internacional dos Museos
Día Internacional dos Museos
Como cada ano o Centro de Interpretación das Torres Arcebispais súmase, o día 18 de maio, á celebración mundial do Día Internacional dos Museos
O tema seleccionado polo Consello Internacional de Museos (ICOM) para este ano 2017, co obxectivo de sensibilizar ao público sobre a importancia dos museos como medio de intercambio de cultura, de entendemento mutuo e de desenvolvemento das sociedades. é Museos e historias controvertidas: dicir o indicible nos museos.
Para unirnos as celebracións que terán lugar arredor de todo o mundo o CITA celebra unha xornada de portas abertas con entrada de balde o xoves 18 de maio de 10 a 14h e de 17 a 22 h.
Ademais tamén contaremos coa actuación do Dúo Firveda as 21 h. con entrada libre ata completar aforo.
Agardamos as vosas visitas para celebrar connosco este día!
02/04/2017
por CITA Pontevedra
Comentarios desactivados en Visitas didácticas ao CITA
Visitas didácticas ao CITA
Desde o 1 de abril o CITA volve a funcionar con normalidade despois do habitual peche para mantemento que se ven realizando cada ano. Neste ano 2017 comezamos a nova andaina do centro con novo horario de visitas:
Martes, mércores, xoves, venres e domingos de 10 a 14 h. Venres e sábados de 10 a 14 h. e de 17 a 21 h. Festivos de 10 a 14 h.
Co obxectivo de achegar o CITA tanto ao público xeral como ao alumnado de diferentes ciclos ofrécemos visitas didácticas que poden ser concertadas chamando ao 986090677, enviando un correo electrónico ao enderezo cita@pontevedra.eu ou na propia recepción do centro.
Agardámoste!
máis información sobre as visitas